أسئلة شائعة
المفتاح بيتكون من إيه؟
من 3 حاجات: اللقمة (المفتاح أو البريزة نفسها)، والشاسيه اللي بيشيل اللقم، والوش اللي بيتركب عليه ويكمل الشكل. لقم بريق بتتركب على شاسيه بريق أو T&J. شاسيه بريق G2 بيشتغل بس مع العلبة الماجيك ومنتجات بريق.
عندكم أنواع برايز إيه؟
بريزة أمريكي 16 أمبير، إنجليزي MK، شوكو مجوفة، بريزة شحن USB، بريزة نت CAT5، بريزة تليفون 4 طرف، وبريزة دش.
وأنواع المفاتيح؟
مفتاح إضاءة أحادي 16 أمبير، مفتاح ديفياتير للتحكم في الإضاءة من مكانين، مفتاح ديجاتوري، مفتاح تكييف 45 أمبير، ديمر مروحة للتحكم في السرعة، وزر جرس.
عندكم مفاتيح سمارت؟
أيوه. مفتاح تاتش سمارت بواجهة زجاج 2 أو 3 خط بالأبيض أو الأسود، وموديول سمارت 1 أو 2 خط لتحويل الإضاءة في البيت أو المكتب لنظام سمارت. الاتنين عليهم ضمان سنتين.
الوش متاح بألوان إيه؟
في 4 مجموعات: سيوة (17 لون)، دهب (20 لون)، طابا (11 لون)، وكلاسيك (7 تركيبات بين لون الوش ولون الإطار). واللقم نفسها متاحة أبيض وأسود وشامبين في أغلب الأنواع.
الضمان كام؟
الوشوش والشاسيه وأغلب اللقم عليها ضمان 25 سنة، والمفاتيح والموديول السمارت ضمانها سنتين. الضمان مكتوب في مواصفات أغلب المنتجات.